অসমৰ সৰ্বশ্ৰেষ্ঠ বিশ্ববিদ্যালয়সমূহৰ অন্যতম কটন বিশ্ববিদ্যালয়(Cotton University) ত চমকপ্ৰদ সফলতা অৰ্জন কৰে বৰপেটাৰ জীয়ৰী ৱাহিদা আহমেদে। উল্লেখ যে, কটন বিশ্ববিদ্যালয়ৰ পৰা স্নাতকোত্তৰ পৰীক্ষাত বুৰঞ্জী বিভাগত সৰ্বোচ্চ নম্বৰ লাভ কৰি সগৌৰৱেৰে জিলিকি উঠিছে ৱাহিদা আহমেদে । সমগ্র বিশ্ববিদ্যালয়ৰ ভিতৰত সৰ্বমুঠ ৮৭.৫ নম্বৰ লাভ কৰি সোণৰ পদক অৰ্জন কৰিবলৈ সক্ষম হয় ৱাহিদা আহমদে। বৰপেটা জিলাৰ কলগাছিয়া অঞ্চলৰ নিবাসী ৱাহিদা আহমেদৰ এই সাফল্যত যথেষ্ঠ উৎফুল্লিত হৈ পৰে সমূহ কলগাছিয়াৰ লগতে বৰপেটাবাসী । অপৰিসীম চেষ্টা ,সাধনা আৰু পৰিশ্ৰমৰ বলত লাভ কৰা ৱাহিদা আহমেদৰ এই কৃতিত্বৰ প্ৰশংসাত পঞ্চমুখ হৈ পৰে সমগ্ৰ অসমবাসী । ৱাহিদা আহমেদৰ এই বিজয়যাত্ৰাত তেওঁৰ সংগী ৰূপ আগবাঢ়ি আহিছে বিভিন্ন দল-সংগঠন তথা তেওঁৰ শুভাকাংক্ষীসকল ।ফলাফল ঘোষণা হোৱাৰ পিছৰে পৰা তেওঁলৈ সোঁত বৈছে বিভিন্ন শুভাকাংক্ষীৰ শুভেচ্ছা বাৰ্তা । আনহাতে, ৱাহিদা আহমেদে তেখেতৰ এই সফলতাত বাৰুকৈয়ে সন্তুষ্টি তথা আনন্দ প্ৰকাশ কৰে আৰু তেখেতে তেখেতৰ এই সফলতাৰ আঁৰত থকা পিতৃ- মাতৃ আৰু তেওঁৰ সমূহ শুভাকাংক্ষীসকলক কৃতজ্ঞতা জ্ঞাপন কৰে ।
Webdesk, SORBHOG_24
©SORBHOG_24